श्रीलंकाले जितेसँगै माल्दिभ्स काभा नेसन्स लिगबाट बाहिरियो

श्रीलंकाले माल्दिभ्सलाई पराजित गर्दै सेन्ट्रल एसियन भलिबल एसोसिएसन (काभा)महिला नेशन्स लिगमा पहिलो जित दर्ता गराएको छ ।

त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज भएको पहिलो खेलमा श्रीलंकाले माल्दिभ्सविरुद्ध ३-० को सोझो सेटमा पराजित गर्दै प्रतियोगितामा पहिलो जित दर्ता गराएको हो ।

जितसँगै श्रीलंकाले सेमिफाइनल यात्रा तय गरेको छ । लिगको आफ्नो खेलमा नेपाललाई हराएपनि माल्दिभ्स सेमिफाइनल पुग्ने छैन ।

श्रीलंकाले माल्दिभ्सलाई २५-२२,२५-१२,२५-१२ सेटले हरायो । श्रीलंकाले यसअघि नेपालसँग ३-० र इरानसँग ३-२ सेटमा हार ब्यहोरेको थियो । माल्दिभ्स भने यसअघि भारत र इरानसँग समान ३-० को सेटमा पराजित भएको थियो । सेमिफाइनमा नेपाल, भारत, इरान र श्रीलंकाले स्थान पक्का गरेका छन् ।