साफ च्याम्पियनसिप गर्न नेपाललाई प्रस्ताव

दक्षिण एसियाली फुटबल महासंघ (साफ) ले १३औं संस्करणको साफ च्याम्पियनसिप नेपालमा गर्न प्रस्ताव राखेको छ । यसअघि नेपालले १३ औं संस्करणको साफ आयोजना गर्ने दाबी गरेको थियो ।

साफको १३ औं संस्करण आगामी अक्टोबरमा गर्ने सदस्य राष्ट्रहरु सहमति भइसकेको छ । त्यसका लागि आइतबार आयोजकको आधिकारिक प्रस्ताव आएको अखिल नेपाल फुटबल संघ एन्फाले जनाएको छ ।

बंगलादेशले आन्तरिक कारण देखाएर प्रतियोगिता नगर्ने भनेपछि अरूले आयोजना गर्ने बाटो खुलेको हो । नेपालसँगै भारत, श्रीलंका र माल्दिभ्सले पनि प्रतियोगिता आयोजना गर्ने इच्छा देखाएका थिए ।