उच्च शिक्षा अध्ययनका लागि नेपालबाट बाहिरियो १ खर्ब २५ अर्ब रुपैयाँ

नेपाली विद्यार्थीले उच्च शिक्षा अध्ययन गर्न विदेश जाँदा १ खर्ब २५ अर्ब रुपैयाँ बराबरको विदेशी मुद्रा लगेका छन् । गत आर्थिक वर्षमा विद्यार्थीहरु विदेश पढ्न जाँदा विदेशी मुद्राको ढुकुटीबाट १ खर्ब २५ अर्ब रुपैयाँ खर्च भएको हो ।

नेपाली विद्यार्थीहरुका लागि युरोपेली तथा अमेरिकी देश र अस्ट्रेलिया तथा जापान जस्ता शैक्षिक गन्तव्य रोजाइ बन्ने गरेको छ । ती देश जाने क्रममा विद्यार्थीहरुले साथमा १ खर्ब २५ अर्ब १३ करोड रुपैयाँ खर्च भएको हो ।

यसरी अध्ययनका लागि बिदेसिन विद्यार्थीका कारण गत वर्ष डलर ढुकुटीमा १ खर्ब रुपैयाँको प्रभाव परेको थियो ।

शिक्षतर्फको भ्रमण व्यय बढ्दा शोधनान्तर स्थितिमा सेवा खाता अन्तर्गत भ्रमण व्यय ३१।१ प्रतिशतले बढेको छ । विदेश घुम्न जानेले १ वर्षमा कुल १ खर्ब ८९ अर्ब ४३ करोड रुपैयाँ खर्च गरेका हुन् ।

अघिल्लो वर्ष भ्रमण व्यय १ खर्ब ४४ अर्ब ५२ करोड थियो ।