अभिनेत्री अरुणिमा लम्सालले गरिन् बिहे

अभिनेत्री अरुणिमा लम्सालले बिहे गरेकी छिन् । उनले कांग्रेस नेता युवराज श्रेष्ठसँग बिहे गरेकी हुन् ।

श्रेष्ठ बराहक्षेत्र नगरपालिका, चतरा सुनसरीका स्थानीय कांग्रेस नेता हुन् । उनी बराहक्षेत्र नगर कमिटीका उपसभापति समेत हुन् । निकट आफन्त र परिवारको उपस्थितिमा उनीहरुले काठमाडौंको बत्तीसपुतलीस्थित राम मन्दिरमा लगनगाँठो कसेका हुन् ।

केहीदिनअघि दुईजनाले सुनसरी जिल्ला अदालतमा कोर्ट म्यारिज गरेका थिए । उनीहरुको मागी बिहे गरेको बताइएको छ ।

लामो समयदेखि अमेरिकामा बस्दै आएकी अरुणिमाको दोस्रो विवाह हो ।