एक सय रुपैयाँले सस्तियो सुन

नेपाली बजारमा मंगलबार सुनको मूल्य एक सय रुपैयाँले घटेको छ । नेपाल सुनचाँदी व्यवसायी महासंघका अनुसार आज सुन प्रतितोला १ लाख ५२ हजार २ सय रुपैयाँमा कारोबार भएको छ ।

मंगलबार चाँदीको मूल्य भने १० रुपैयाँले बढेको छ । आज चाँदी १ हजार ८ सय २० रुपैयाँमा कारोबार भएको महासंघले जनाएको छ ।

सोमबार सुन १ लाख ५२ हजार ३ सय र चाँदी १ हजार ८ सय १० रुपैयाँमा कारोबार भएको थियो ।

अन्तर्राष्ट्रिय बजारमा सुन २ हजार ५०१ डलर र चाँदी २९.३६ डलर प्रतिऔँस मूल्यमा कारोबार भएको एजेन्सीहरुले जनाएका छन्।