‘एक्टर: टेक वान’को फर्स्ट लुकमा प्रदीपका पाँच अवतार

चलचित्र ‘एक्टर’को फर्स्ट लुक पोस्टर सार्वजनिक भएको छ । पोस्टरमा चलचित्रका मुख्य पात्र प्रदीप खड्का फिचर्ड छन् ।

पोस्टरमा प्रदीपका पाँच तस्बिर छन् । जसका घाइते तस्बिर, पाइलटको पोसाकमा रहेको तस्बिर, नेपाली पोसाकमा रहेको तस्बिर, लामो कपालमा क्याजुअल पोसाकमा रहेको तस्बिर र जाडोमा स्वेटर लगाएको तस्बिर छन् । पाँच लुकमध्ये टाउको र अनुहारभरी चोट लागेको तस्बिरलाई पोस्टरमा प्राथमिकता दिइएको छ ।

कात्तिक १५ गते रिलिज हुने चलचित्रमा प्रदीपसँगै डेव्यु अभिनेत्री दिव्या रायमाझी, आना शर्मा, राजवल्लभ कोइराला, दिव्य देव, सुशील सिटौलालगायत कलाकारको अभिनय रहनेछ ।

राजन भुसालको निर्देशन रहेको चलचित्रमा थमन कुमारी भण्डारी निर्माता हुन् । चलचित्रको कथा आकाश बराल र राजन स्वयंले लेखेका हुन् ।

अदृत फिल्मस् र मोती फिल्मस्को प्रस्तुतिमा रहेको चलचित्रलाई नरेन्द्र मैनालीले खिचेका छन् ।