रोनाल्डोको युट्युब च्यानलले बनायो विश्व रेकर्ड
फुटबल स्टार क्रिस्टियानो रोनाल्डोको युट्युब च्यानल लञ्च भएको २४ घन्टा बित्न नपाउँदै कीर्तिमान कायम गरेको छ ।
उनको युट्युब च्यानल (युआर क्रिस्टियानो) ले सबैभन्दा छिटो समयमा एक मिलियन (दश लाख) सब्सक्राइबर पार गर्दै नयाँ विश्व रेकर्ड बनाएको हो ।
अहिले पनि रोनाल्डोको सब्सक्राइबर बढ्ने क्रम बढ्दो छ । बिहीबार दिउँसोसम्म सब्सक्राइबर १६ मिलियन बढी पुगिसकेका छन् ।
रोनाल्डोले आफ्नो च्यानलले पाएको गोल्डन प्ले बटनको भिडिओ पनि अपलोड गरिसकेका छन् ।
उनले अगस्ट २१ मा ‘यूआर क्रिस्टियानो’ नामले च्यानल ल्याएका थिए ।
