अगस्टमा नेपाल भित्रिए ७२ हजार ७१९ विदेशी पर्यटक

अगस्टमा ७२ हजार ७१९ जना विदेशी पर्यटक नेपाल भित्रिएका छन् । नेपाल पर्यटन बोर्डले सार्वजनिक गरेको तथ्यांकअनुसार सन् २०२४ को अगस्टमा भित्रिएको संख्या गत वर्षको यही महिनाको तुलनामा ८.२९ प्रतिशतले बढी हो ।

सन् २०२३ को अगस्टमा ६७ हजार १५३ जना पर्यटक नेपाल भ्रमणमा आएका थिए । अगस्टमा सबैभन्दा बढी भारतबाट २५ हजार ८३२, चीनबाट ६ हजार ६१४, अमेरिकाबाट ५ हजार ६१४, श्रीलंकाबाट ४ हजार ८५१ र बंगलादेशबाट ३ हजार ७७ पर्यटक नेपाल आएका छन्।