विष्णुमती करिडोरबाट स्रोत नखुलेको आठ लाख रुपैयाँसहित एकजना पक्राउ

प्रहरीले स्रोत नखुलेको आठ लाख रुपैयाँसहित एकजनालाई पक्राउ गरेको छ । प्रहरी वृत्त स्वयम्भुको टोलीले डल्लुस्थित विष्णुमती करिडोरबाट काठमाडौं महानगरपालिका–८, पशुपतिका २५ वर्षीय अभय प्रधानलाई पक्राउ गरेको हो ।

नियमित चेकिङमा रहेको प्रहरीको टोलीले सोमबार जाँच गर्दा प्रधानले चलाएको प्रदेश ०२–०३१ प ५१४८ नम्बरको स्कुटरको डिकीबाट स्रोत नखुलेको रकमसहित उनलाई पक्राउ गरेको हो । प्रधानलाई मंगलबार थप अनुसन्धानका लागि राजस्व अनुसन्धान विभाग हरिहरभवन पठाइएको छ ।