नेपाल-बंगलादेशबीच फाइनल काठमाडौंका तीन ठाउँबाट प्रत्यक्ष प्रसारण गरिने

काठमाडौं महानगरपालिकाले साफ महिला च्याम्पियनसिप २०२४ को फाइनल खेल तीन ठाउँमा प्रत्यक्ष प्रसारण गर्ने भएको छ ।

बुधबार साँझ साढे ६ बजेदेखि दशरथ रंगशालामा नेपाल(बंगलादेशबीच फाइनल खेल हुँदैछ । काठमाडौं महानगरपालिकाले उक्त खेल तीन ठाउँबाट प्रत्यक्ष प्रसारण गर्ने भएको हो ।

नेपाल र बंगलादेश बीच हुने फाइनल खेल टुँडीखेल, चाबहिल गणेशस्थान चौरमा र सानो गौचरणमा लाइभ देखाउने महानगरले जानकारी गराएको छ ।

सेमिफाइनलमा नेपालले भारतलाई र बंगलादेशले भुटानलाई हराएर फाइनलमा पुगेका हुन् । नेपाल र बंगलादेश दुवैले उपाधि जित्ने दाबी गरेका छन् ।