नीता र हरिहर अभिनित ‘ह्रस्व दीर्घ’को ट्रेलर सार्वजनिक

नेपाली चलचित्र ह्रस्वदीर्घको ट्रेलर सार्वजनिक भएको छ ।

बुधबार काठमाडौँमा एक कार्यक्रमबीच चलचित्रको ट्रेलर सार्वजनिक भएको हो । हरिहर अधिकारी र निता ढुंगानाको मुख्य अभिनय रहेको चलचित्रमा भारतीय कलाकार ब्रह्मानन्दम लगायतको पनि अभिनय रहेको छ ।

कार्तिक ३० गतेबाट प्रदर्शनमा आउन लागेको चलचित्रमा लगानी अभिनेत्री ढुंगानाको रहेको छ।

निता फिल्मस्को प्रश्तुतिमा निर्माण भएको सिनेमाका कार्यकारी निर्माता धनन्जय लगानी हुन् । सिनेमामा हरिहर अधिकारी, निता ढुंगाना, ब्रह्मानन्दम, अली, कवीर दुहान सिंह, प्रदीप रावत, सुनिल वर्मा र प्रशान्त ताम्राकार, सञ्चिता लुईटेल, विपना थापा, सरोज खनाल, नरेन खड्का, गरिमा शर्मा, रविन्द्र झा, आर्दश मिश्र, बुद्धि तामाङ र किरण केसी लगायतका कलाकारको अभिनय रहेको छ ।

ट्रेलरको न्यारेटरको रुपमा छन् सरोज खनाल । प्रदीप रावतको क्यारेक्टर परिचयसँगै ट्रेलर सुरु हुन्छ । हरि र नारायणी नामक जोडीले प्रेम सम्बन्धको रक्षाको लागि गर्ने संघर्षको कथावस्तु वरपर फिल्म घुमेको छ ।

यो फिल्म नेपालमा नेपाली र हिन्दी दुबै भाषामा प्रदर्शन हुने भएको छ । नेपाल र भारतबाहेकका मुलुकमा भने एकसातापछि ल्याउने तयारी छ । यो फिल्म १४ जापानी सहरमा ७ डिसेम्बरदेखि रिलिज हुँदैछ ।