आधा केजी सुनसहित नागढुङ्गाबाट एक जना पक्राउ

काठमाडौंको नागढुङ्गाबाट एक व्यक्ति आधा केजी सुनसहित पक्राउ परेका छन् । पक्राउ पर्नेमा नेपालगंजदेखि काठमाडौंतर्फ आउँदै गरेको लु प्र ०३-००१ ख ००९९ नम्बरको बसमा सवार एलिस ढकाल रहेका छन् ।

बिहीबार बिहान चन्द्रागिरी नगरपालिका वडा नं २ नागढुङ्गास्थित चेक प्वाइन्टमा प्रहरी प्रभाग नागढुङ्गाबाट खटिएको प्रहरी टोलीले चेकजाँच गर्ने क्रममा उक्त बसको अन्तिम सिटमा सवार ढकाल सुनसहित पक्राउ परेका हुन् ।

ढकाललाई शंका लागी चेकजाँच गर्दा उनले साथमा बोकेको कालो रङको झोला भित्र कालो रङको टेपले बेरी लुकाई छिपाई ल्याएको अवस्थामा ५०२ ग्राम सुनसहित नियन्त्रणमा लिइएको प्रहरीले जनाएको छ । यसबारे थप अनुसन्धान भइरहेको प्रहरीले जनाएको छ ।