दैलेखबाट सुर्खेत आउँदै गरेको गाडी दुर्घटना, चार जनाको मृत्यु

सुर्खेतमा गाडी दुर्घटना हुँदा चार जनाको मृत्यु भएको छ भने २५ जना घाइते भएका छन् ।

जिल्ला प्रहरी कार्यालय सुर्खेतका अनुसार दैलेखबाट सुर्खेत आउँदै गरेको कर्णाली प्रदेश ००१ ख ९९८ नम्बरको गाडी शुक्रबार सुर्खेत–दैलेख सिमानास्थित वीरेन्द्रनगर–१४, को रातानाङ्ग्ला नजिक दुर्घटना भएको हो ।

२९ जना सवार उक्त गाडी अनियन्त्रित भई दुर्घटनामा परेको गुराँस गाउँपालिकाका वडा नं. ८ का वडाध्यक्ष दीपेन्द्र वलीले जानकारी दिए । घाइते २५ जनाको उद्धार गरी थप उपचारका लागि कर्णाली प्रदेश अस्पताल सुर्खेत पठाइएको छ । गाडी सडकभन्दा झण्डै दुई सय मिटर तल खसेको छ ।