बैतडीमा चिर्पटले हानेर जेठानीले गरिन् २३ वर्षीया देउरानीको हत्या

बैतडीमा चिर्पट प्रहारबाट महिलाको मृत्यु भएको छ ।

प्रहरीका अनुसार चिर्पट प्रहारबाट जिल्लाको डिलाशैनी गाउँपालिका-२, छेपट्टा डुङ्रीकी २३ वर्षीया सुनिता बोहराको मृत्यु भएको हो । उनको हत्या आरोपमा प्रहरीले उनकै जेठानी ३० वर्षीया दीपा बोहरालाई नियन्त्रणमा लिएको छ ।

जिल्ला प्रहरी कार्यालय बैतडीका प्रहरी निरीक्षक बलराम पाण्डेयका अनुसार सोमबार राति ८ बजे घरायसी विवादमा जेठानीले चिर्पटले हानेकी थिइन् ।

घटनाको थप अनुसन्धान भइरहेको प्रहरीले जनाएको छ ।