बन्दीपुरमा दुईवटा बस एकापसमा ठक्कर खाँदा एक जनाको मृत्यु, २९ घाइते

बन्दिपुर गाउँपालिका नयाँ पुल गोरे चौतरामा दुईवटा बस एकापसमा ठक्कर खाँदा एक जनाको मृत्यु भएको छ ।

आइतबार दिउँसो ३.५० बजे काठमाडौँबाट पोखरा जाँदै गरेको जिएए ००७० नम्बरको गाडी र विपरित दिशाबाट आउँदै गरेको भे१ख ३४८७ नम्बरको बस एकापसमा ठक्कर खाएका हुन् ।

दुर्घटनामा जिएए ००७० नम्बर प्लेटका अन्दाजी ४० वर्षीय चालकको मृत्यु भएको छ भने पोखरातर्फबाट आउँदै गरेको बसका चालक गम्भिर घाइते छन् । दुर्घटनामा २९ घाइते भएको र उनीहरुको स्थानीय विभिन्न अस्पतालहरुमा उपचार भइरहेको प्रहरीले जनाएको छ ।