नारायणगढ-मुग्लिन सडकखण्डमा ट्रक दुर्घटना हुँदा चार जना गम्भीर घाइते

चितवनको नारायणगढ–मुग्लिन सडकखण्डको नौकिलो भन्ने स्थानमा ट्रक दुर्घटना हुँदा चार जना गम्भीर घाइते भएका छन् ।नारायणगढबाट मुग्लिङतर्फ जाँदै गरेको बागमती प्रदेश ०३ ००१ ख ३४९० नम्बरको ट्रक आज बेलुका पौने सात बजेतिर सडक किनारमा पल्टिएको थियो ।

चामल बोकेको सो ट्रक पल्टिँदा चार जना च्यापिएर बोल्न नसक्ने अवस्थामा रहेको जिल्ला प्रहरी कार्यालय चितवनले जनाएको छ । ‘च्यापिएका चारजनामध्ये दुई जनालाई उपचारका लागि भरतपुर ल्याइएको छ र अरु दुई जना च्यापिएकै अवस्थामा छन्,’ जिल्ला प्रहरी कार्यालय चितवनका प्रवक्ता भेषराज रिजालले भने ।

प्रहरीका अनुसार ट्रक दुर्घटनाको कारण भने खुलिसकेको छैन । दुर्घटनापछि पनि सडक अवरोध छैन ।