सुनचाँदीको मुल्य आजपनि घट्यो, तोलाको कति पुग्यो ?

नेपाली बजारमा सुनको मूल्य आज पनि घटेको छ । आज सुनको मूल्य तोलामा २६ सयले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन तोलाको २६ सयले घटेर प्रतितोला एक लाख ४८ हजार ७ सयमा कारोबार भइरहेको छ ।

यस अघि सोमबार तोलामा एक लाख ५१ हजार ३ सय रुपैयाँमा कारोबार कारोबार भएको थियो ।

सरकारले भन्सार महसुल घटाएसँगै नेपाली बजारमा सुनको मुल्य घटेको छ । आइतबार सरकारले सुन आयातमा लाग्दै आएको २० प्रतिशत भन्सार महसुल घटेर १० प्रतिशतमा झारेपछि सुनको मुल्य घटिरहेको छ । सोमबार मात्र तोलामा १५ हजार ९ सयले घटेको थियो ।  

त्यसैगरी, आज चाँदीको मुल्य पनि घटेको छ । महासंघको अनुसार आज चाँदी प्रतितोला २५ रुपैयाँले घटेर १८२० रुपैयाँमा कारोबार भइरहेको छ ।