भारतको मध्य प्रदेशस्थित एक घरमा बम विष्फोट हुँदा चार जनाको मृत्यु

भारतको मध्यप्रदेशस्थित मुरैना जिल्लाको एक घरमा बम विस्फोट हुँदा चार जनाको मृत्यु भएको छ । भग्नावशेषमा अझै धेरै मानिस पुरिएको आशंका छ ।

गएराति शहरको टुंच रोड क्षेत्रमा रहेको राठौर कोलोनीमा रहेको मुन्शी राठौरको घरमा बम विस्फोट भएको बीबीसी हिन्दीले जनाएको छ ।

विष्फोट यति शक्तिशाली थियो कि वरपरका घरमा समेत क्षति पुगेको छ । विष्फोटबाट तीनवटा घर पूर्णरूपमा क्षतिग्रस्त भएका छन् ।

विस्फोटमा चाररपाँच जना घाइते भएका छन् । दुर्घटनाको कारण भने यकिन गर्न नसकिएको प्रहरीले जनाएको छ ।