नाङ्लेपानीका किसानहरूसँग धान झाँट्दै बाबुराम
नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराई किसानहरुसँगै धान झार्ने काममा सहभागी भएका छन् ।
गोरखा नगरपालिका- ५ नांग्लेपानीमा किसानहरुसँग सहभागी भएर भट्टराईले धान झारेका हुन् । उनले मंगलबार सामाजिक सञ्जालमा धान झार्दै गरेको तस्बिर पोष्ट गरेका छन् । भट्टराई सोमबार गृहजिल्ला गोरखा गएका हुन् ।
पछिल्लो दिन बाबुरामले गोरखा आवातजावत बाक्लो बनाएका छन् । उनी जानुअघि माओवादी केन्द्रका अध्यक्ष पुष्पकमल दाहालपनि गोरखा पुगेका थिए । सो क्षेत्रबाट ०७९ को निर्वाचनमा प्रतिनिधिसभाको लागि प्रचण्ड निर्वाचित भएका हुन् ।
