दुई दिन लगातार घटेको सुनको मूल्य आज बढ्यो

आज सुनचाँदीकै मूल्य बढेको छ । गत आइतबार र सोमबार घटेको सुनचाँदीकै मूल्य आज बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य तोलामा एक हजार रुपैयाँ बढेको छ । सोमबार प्रतितोला एक लाख ४९ हजार ३ सय रुपैयाँमा कारोबार भएको सुन आज बढेर तोलाको एक लाख ५० हजार ३०० रुपैयाँ कायम भएको छ ।

आज चाँदीको मूल्य पनि प्रतितोला ३० रुपैयाँ बढेको छ । आज चाँदीको मूल्य प्रतितोला एक हजार आठ सय ४५ रुपैयाँ कायम भएको छ । हिजो चाँदीको मूल्य तोलाको एक हजार ८ सय १५ रुपैयाँ थियो ।

गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो । त्यो दिन सुन प्रतितोला १ लाख ७१ हजार रुपैयाँ पुगेको थियो ।