सल्यानमा बालिका बलात्कार गरेको आरोपमा एक किशोर पक्राउ परेका छन् । पक्राउ पर्नेमा सुर्खेतको सिम्ता गाउँपालिका- ४ बस्ने १९ वर्षीय चन्द्रबहादुर परियार रहेका छन् ।
१४ वर्षीया बालिकालाई जबरजस्ती करणी गरेको अभियोगमा उनलाई शनिबार बिहान पक्राउ गरिएको प्रहरीले जनाएको छ ।
परियारले ती बालिकालाई वनगाड कुपिण्डे नगरपालिका- १ सल्लिबजारको माथिल्लो बजारस्थित बनमाराको झाडीमा जबरजस्ती करणी गरेको भन्ने उजुरीको आधारमा इलाका प्रहरी कार्यालय देवस्थलबाट खटिएको प्रहरीले उनलाई पक्राउ गरेको हो । थप अनुसन्धान भइरहेको प्रहरीले जनाएको छ।
