दिपाको निर्देशन र अभिनयमा तीज गीत ‘दिदी बहिनी’ सार्वजनिक ( भिडियो )

हिन्दु नारीहरुको महान पर्व हरितालिका तीज नजिकिएसँगै बजारमा तीज गीत निकाल्ने लहर पनि बढ्दै गएको छ ।

कोरोनाका कारण फिल्म ठप्प भएपछि कलाकारहरु म्युजिक भिडियोतर्फ आकर्षित भएका छन् । पछिल्लो समय कलाकर एवम् निर्देशक दीपाश्री निरौला पनि म्युजिक भिडियोमा देखिन थालेकी छन । निरौला निर्देशित र अभिनित तीज गीत ुदिदी बहिनीु को म्युजिक भिडियो सार्वजनिक भएको छ ।

श्रीकृष्ण बम मल्लको शब्द र संगीत रहेको ुदिदी बहिनीु मा, दीपाश्री निरौला, निर्मल शर्मा (गैंडा), गजीत विष्ट, सुमन गिरी भाञ्जा, रजनी केसी लगायतका कलाकारहरुले अभिनय रहेको छ । अहिलेको परिस्थितिमा तीजको बेलामा माइती जान असमर्थ रहेका चेलीहरुको मर्म र पीडालाई ुदिदी बहिनीु गीतको माध्यमबाट चित्रण गरी यो म्यूजिक भिडियो तयार पारिएको भिडियो निर्माता कम्पनी म्युजिक नेपालले जानकारी दिएको छ ।

शान्तीश्री परियार, लक्ष्मी मल्ल र श्रीकृष्ण बम मल्लको स्वर रहेको गीतमा योगेश काजीको एरेन्ज रहेको छ । राजु केसीको सिनेमाटोग्राफी, गजीत विष्टको कोरियोग्राफी टेकेन्द्र शाहको सम्पादन रहेको भिडियोलाई कोरोना कहर बिच सामाजिक दुरी कायम गर्दै गीतमा आवद्ध कलाकारहरुको एक अनलाइन कार्यक्रम गरी म्युजिक नेपालको युट्युब च्यानल मार्फत बिहिबार सार्वजनिक गरिएको हो ।