ऋचाले छाडिन् ‘कमेडी च्याम्पियन २’, अब को होला नयाँ जज?

नायिका ऋचा शर्माले ‘कमेडी च्याम्पियन सिजन २’ छोड्ने भएकी छन् । निर्णायकको रूपमा रहँदै आएकी शर्मा अब शोमा उपस्थिति नहुने भएकी हुन् ।

‘कमेडी च्याम्पियन २’ अन्तिम ५ मा पुगिसकेको छ । अब उनको ठाउँमा अतिथि निर्णायकलाई कार्यक्रममा सहभागी गराइने बताइएको छ । ऋचा आमा बन्ने मिति नजिकिँदै छ । यसैले स्वास्थ्यलाई ख्याल गर्दै उनी शो बाट बाहिरिएकी हुन् ।

ऋचा आफैले पनि शनिवार प्रसारण भएको शोमार्फत आफू अब निर्णायकको रूपमा नरहने बताएकी थिइन् । सन्तोष पन्त, मनोज गजुरेल, ऋचा शर्मा र प्रदीप भट्टराई पहिलो सिजनबाट नै यो शोको निर्णायकको रूपमा छन् । ‘कमेडी च्याम्पियन सिजन २’ लोकप्रिय कार्यक्रमको सुचीमा पर्दछ ।