चिनियाँ विदेश मन्त्री अचानक नयाँदिल्लीमा
काठमाडौ । चीन र भारतका विदेश मन्त्रीबीच नयाँदिल्लीमा भेटवार्ता भएको छ। चिनियाँ विदेश मन्त्री वाङ यी बिहीबार साँझ अचानक नयाँदिल्ली आइपुगेका थिए। बिहीबार साँझ यी चार्टर्ड फ्लाइटमा अफगानिस्तानको राजधानी काबुलबाट दिल्ली उत्रिएका थिए।
दिल्लीमा शुक्रबार बिहान उनले भारतीय प्रधानमन्त्री नरेन्द्र मोदीका राष्ट्रिय सुरक्षा सल्लाहकार अजित डोभललाई भेटेका छन्। उनले भारत भ्रमण गर्ने भनिए पनि दुबै पक्षले औपचारिक जानकारी दिएका थिएनन्।
