‘आरआरआर’ २०० करोड क्लबमा, मुम्बईमा सफलताको भव्य पार्टी

दक्षिण भारतीय (साउथ) फिल्म निर्देशक एसएस राजामौलीले भारतीय बक्स अफिसमा कीर्तिमानको अर्को मानक कायम राखेका छन् । उनी निर्देशित ‘बाहुबली स् द बिगिनिङ’ भारतीय बक्स अफिसमा सय करोड पार गर्ने पहिलो हिन्दी डब साउथ फिल्म थियो ।

राजामौली निर्देशित ‘बाहुबली द कन्क्लुजन’ले ५०० करोड भारुभन्दा बढी कमाइसकेको छ । अब भने उनकै नयाँ फिल्म ‘आरआरआर’ २०० करोड क्लब प्रवेश गर्ने दोस्रो फिल्म बनेको छ ।

फिल्मको सफलताको खुसीयालीमा मुम्बईमा भव्य पार्टी आयोजना गरियो जहाँ बलिउड र साउथ फिल्मका ‘हु इज हु’ सहभागी रहे । ‘आरआरआर’ निर्माण कम्पनी जयन्तीलाला गादाले आयोजना गरेको पार्टीमा आमिर खान र करण जोहर पनि उपस्थित रहे ।