‘ए मेरो हजुर–४’ बाट हटाइयो दुर्गेश थापाको दृश्य

काठमाडौं । वैशाख १ गते रिलिज हुने तयारीमा रहेको फिल्म ‘ए मेरो हजुर ४’ले फिल्ममा रहेको दुर्गेशको डेढ मिनेट लामो केमियो दृश्यलाई हटाएको छ । पल शाह प्रकरणमा विवादमा तानिएकाले गायक थापाको दृश्यका हटाइएको हो ।निर्माता सुनिलकुमार थापाले वर्तमान परिस्थितिलाई ध्यान दिंदै दुर्गेशको दृश्य हटाइएको बताए ।

उक्त प्रकरणमा उनले हालै तनहुँ जिल्ला अदालतमा बयान समेत दिएका थिए । उक्त मुद्दा अहिले अदालतमा समेत विचाराधीन छ ।कसैलाई चित्त दुखाउने हाम्रो उद्देश्य होइन, अहिलेको परिस्थितिलाई ध्यान दिंदै दृश्यलाई हटाएका हौं । त्यो भाग हटाउँदा पनि कथामा असर पर्ने देखिएन,’ थापाले बताए ।