अष्ट्रेलियामा आगामी मे २१ मा आम चुनाव हुने
अष्ट्रेलियामा आगामी मे २१ मा आम चुनाव हुने भएको छ। प्रधानमन्त्री स्कट मोरिसनले आगामी आम निर्वाचनको मिति घोषणा गरेका हुन्।प्रधानमन्त्री मोरिसनले गभर्नर जनरलसँगको छलफलपछि आम चुनावको मिति तय गर्दै आम सर्वसाधारणलाई मतदान गर्न आग्रह गरेका छन्।सन् २०१८ मा कन्जरभेटिभ पार्टीका मोरिसन गठबन्धन दलको नेतृत्व गर्दै प्रधानमन्त्री नियुक्त भएका थिए। गठबन्धनको संसदमा ७६ सिट छ।
सत्तारुढ दल कन्जरभेटिभ र बिल सर्टनले नेतृत्व गरेको लेबर पार्टीबीच आसन्न निर्वाचनमा प्रतिस्पर्धा हुने ठानिएको छ ।राजनीतिक विश्लेषकका अनुसार पछिल्लो समय प्रधानमन्त्री स्कट मरिसनमाथि केही आरोप लागेसँगै उनको लोकप्रियता घटेको छ।चुनावी सर्वे अनुसार अस्ट्रेलियामा यो आम चुनावबाट विपक्षी लेबर पार्टी सत्तामा आउन सक्ने आँकलन गरिएको छ।
यद्यपी विगतको चुनावी सर्वेक्षणमा पराजित हुने आशंका बाबजुत स्कट मोरिसनले चुनाव जितेका थिए।अस्ट्रेलियाको प्रतिनिधिसभामा १५१ र सिनेटमा ७६ सिट छन्। प्रतिनिधिसभाका सम्पूर्ण स्थानमा प्रत्यक्ष निर्वाचन हुनेछ। तर, सिनेटको निर्वाचन प्रक्रिया केही फरक छ । कुल ७६ मध्ये आधा स्थानका जनप्रतिनिधि मात्रै प्रत्यक्ष निर्वाचन प्रक्रियाबाट छनोट हुनेछन्।
