हिन्दीमा ‘प्रेमगीत ३’ को नाम ‘विश्वजितम’

फिल्म ‘प्रेमगीत ३’ नेपाल र भारतमा एकसाथ रिलिज हुने भएको छ । ७ असोजमा रिलिज हुने फिल्म भारतमा ‘विश्वजितम’ को नामबाट प्रदर्शनमा आउने छ ।

हिन्दी भाषामा समेत डबिङ गरिएको फिल्म त्यहाँको दर्शकले बुझ्ने गरेर ‘विश्वजितम’ को नामबाट रिलिज गर्न लागीएको हो । सन्तोष सेन र छेतेन गुरुङले संयुक्त रुपमा निर्देशन गरेको फिल्म कोभिड संक्रमण महामारी अगाडि नै निर्माण सम्पन्न भएको थियो । तर, लकडाउनका कारण फिल्म रिलिज हुन सकेको थिएन । सन्तोषले यो फिल्म लामो समय मुम्बईमा बसेर हिन्दी डबिङ गराएका थिए । भारतका थिएटरमा पनि रिलिज गर्ने उद्धेश्यले हिन्दीमा डबिङ गराएका हुन् ।