मदन कृष्णको स्वरमा ‘माया रोपे माया फल्छ’

वरिष्ठ कलाकार मदनकृष्ण श्रेष्ठको स्वर तथा अभिनय रहेको नयाँ गीत ‘माया रोपे माया फल्छ’ दर्शक तथा स्रोतामाझ आएको छ । गीतकार प्रमोद भट्टराई ‘प्रतीक’को शब्द रहेको गीतमा कृति न्यौपाने ९दिवाकर शर्मा० ले संगीत दिएका छन् । पुरुषोत्तम सुवेदी गीतका संगीत संयोजक रहेका छन् ।

कृष्णदेव रुपाखेतीले निर्देशन गरेको गीतको भिडियोमा कलाकार श्रेष्ठले जीवन्त अभिनय गरेका छन् । अभिनयमा उनलाई निक शर्मा, रिचा थापा तथा बालकलाकार अर्नव घिमिरेले साथ दिएका छन् ।

उत्सव दाहालको छायांकन, विकास ज्ञवालीको सम्पादन रहेको भिडियोमा सुनिल क्षेत्रीको कोरियोग्राफी छ । भिडियोका निर्देशक कृष्णदेव रुपाखेतीले भिडियोमा एउटा पारिवारिक कथावस्तुलाई समावेश गरेको बताए ।