• २०७७ श्रावण २६ सोमबार

११ हजार घर परिवार पहिरोको उच्च जोखिममा : प्राधिकरण

सोमबार विहानसम्म ८५ जनाको ज्यान गैसकेको सरकारी तथ्यांक

राज्य व्यवस्था तथा सुशाशन समिति ,फाइल तस्वीर

राष्ट्रिय विपद् जोखिम न्यूनीकरण तथा ब्यवस्थापन प्राधिकरणले देशभर ११ हजार घर परिवार पहिरोको उच्च जोखिममा रहेको तथ्य प्रस्तुत गरेको छ । सोमबार प्रतिनिधिसभा राज्यव्यवस्था समितिको बैठकमा प्राधिकरणका कार्यकारी निर्देशक अनिल पोखरेलले १४ जिल्लाका ११ हजार घर परिवार उच्च जोखिममा रहेको बताए ।

तीमध्ये पनि सिन्धुपाल्चोक, गोरखा र रसुवा जिल्ला सबैभन्दा जोखिममा रहेको प्राधिकरणको प्रक्षेपण छ । कार्यकारी निर्देशक पोखरेलले तत्काल ७ सय ४ घर परिवारलाई सुरक्षित स्थानमा सार्नुपर्ने जानकारी दिए । कतिपय स्थानमा जोखिम हुँदाहुँदै पनि स्थानीयले थातथलो छोड्न नमान्दा समस्या भएको उनको भनाइ थियो ।

प्राधिकरणका अनुसार भारतले निर्माण गरेको तटबन्धका कारण प्रदेश २ का अधिकांश जिल्लामा डुबानको खतरा छ । बैठकमा गृहसचिव महेश्वर न्यौपानेले बाढी र पहिरोमा परेर सोमबार बिहानसम्म ८५ जनाको मृत्यु भइसकेको जानकारी दिए । 
 

प्रतिकृया दिनुहोस

सम्बन्धित समाचार

ताजा अपडेट

अर्थ / वाणिज्य

समाचार