• २०७७ श्रावण २६ सोमबार

बाह्रबीसे बाढीमा बेपत्ता भएकाको एस्काभेटर लगाएर खोजी गरिँदै

बाह्रबीसे नगरपालिका-५, जम्बुमा असार २५ गते राती भोटेकोशी नदी र एल्मो ठाडो खोलाको भीषण बाढीले बेपत्ता बनाएकाहरूको खोजी कार्य तीव्र बनाइएको छ । तर अहिलेसम्म बेपत्ता भएकामध्ये कोही भेटिएका छैनन् ।

जिल्ला प्रहरी कार्यालयका डीएसपी माधव काफ्लेले जम्बु बाढीपहिरोमा परेर १७ जना र भोटेकोशी गाउँपालिकाको बुलकुटेमा तीन जना अझै भेटाउन नसकिएको जानकारी दिए । विपद् व्यवस्थापन महासङ्घका २७ जना तालिम प्राप्त उद्धारकर्मी, जिल्ला विपद् व्यवस्थापन समितिका उद्धारकर्मी, सशस्त्र प्रहरी, स्थानीय लगायतबाट बेपत्ताको खोजी कार्य निरन्तर भइरहेको उनले बताएका छन् ।

सोमबार बिहानदेखि नै एस्काभेटर लगाएर निरन्तर खोजी गरेपनि अहिलेसम्म एक जना पनि नभेटिएको डीएसपी काफ्लेले बताए । बेपत्ता भएका परिवारहरू दिनहुँ नदी किनारामा आएर बसिरहेका हुन्छन् । बाढी र पहिरोमा परिवारका सदस्य बेपत्ता भएका परिवारजनले पनि खोजी कार्यमा उद्धारकर्मीलाई सघाइरहेका छन् ।

असार २६ गते बिहान ६ बजे भोटेकोशी गाउँपालिका-३, लार्चामा बाढी र माटोको लेदोले बगाएका ५७ वर्षीय नाप्चे मगर भने १० घण्टापछि स्थानीयले जीवित नै भेटाएका छन् । बुलकुटेबाट बगाएका चारमध्ये एक बालक साहिल तामाङ सुकुटेमा मृत अवस्थामा भेटिएको जिल्ला प्रहरी कार्यालयका सूचना अधिकृतसमेत रहेका काफ्ले जानकारी दिए ।

प्रतिकृया दिनुहोस

सम्बन्धित समाचार

ताजा अपडेट

अर्थ / वाणिज्य

समाचार