जेनजी आन्दोलनमा देशभरका होटल उद्योगमा ठूलो क्षति पुगेको छ ।
नेपाल होटल संघ (हान) ले दिएको प्रारम्भिक तथ्यांकअनुसार कम्तीमा २५ वटा होटल, रिसोर्ट, लज र रेष्टुरेन्टमा क्षति पुगेको छ । तोडफोड र आगजनीमा परेको सम्पत्तिको अनुमानित मूल्य २५ अर्बभन्दा बढी रहेको छ ।
हानका अनुसार काठमाडौं र पोखरामा सबैभन्दा धेरै होटल व्यवसायमा क्षति पुगेको छ । त्यसपछि भैरहवा, बुटवल, धनगढी, झापा, दाङ, बर्दिबासलगायतका क्षेत्रमा पनि होटल उद्योग प्रभावित भएका छन् ।
आगजनी र तोडफोडका कारण करिब २ हजारभन्दा बढी कामदार प्रत्यक्ष प्रभावित भएको अनुमान गरिएको छ । हानले आगजनी भएका होटलहरु यस सिजनमा सञ्चालनमा आउन नसक्ने ठहर छ । क्षति भएका होटलमध्ये करिब ६० प्रतिशतले बीमाबाट आंशिक क्षतिपूर्ति पाउने सम्भावना रहेको हानले जानकारी दिएको छ ।
