नेपाली राष्ट्रिय महिला फुटबल टिम इरानसँगको मैत्रीपूर्ण खेलमा पराजित भएको छ ।
भारतको शिलोङस्थित जवाहरलाल नेहरु रंगशालामा सम्पन्न खेलमा नेपाल ३-० गोल अन्तरले पराजित भएको हो । पहिलो हाफमा गोल रहित सम्पन्न भएको यस खेलमा दोस्रो हाफमा इरानले तीन गोल गरेको थियो ।
फिफाको वरियतामा नेपाल ८९औं स्थानमा छ भने इरान ७०औं स्थानमा रहेको छ । नेपालले यसअघि इरानसँग एक खेल मात्र खेलेको छ । सन् २०१९ मा भारतमा नै आयोजना भएको हिरो महिला गोल्डकपमा नेपाल इरानलाई ३-० ले पराजित गरेको थियो ।
नेपाली राष्ट्रिय महिला टिमले अब अर्को मैत्रीपूर्ण खेल अक्टोबर २७ मा भारतसँग शिलोङमै खेल्ने तालिका रहेको छ ।
