नेपाली बजारमा बुधबार सुनको मूल्य स्थिर रहँदा चाँदीको मूल्यमा भने वृद्धि भएको छ।
नेपाल सुनचाँदी व्यवसायी महासंघ का अनुसार बुधबार छापावाल सुन प्रतितोला रु ३ लाख १४ हजार ८ सयमा कारोबार भइरहेको छ। मंगलबार पनि सुन सोही मूल्यमा कारोबार भएकाले आज सुनको मूल्यमा कुनै परिवर्तन भएको छैन।
यता, चाँदीको मूल्य भने बढेको छ। बुधबार चाँदी प्रतितोला रु ५ हजार ७ सय १५ पुगेको छ। मंगलबार चाँदी प्रतितोला रु ५ हजार ५ सय ८५ मा कारोबार भएको थियो। यसअनुसार चाँदीमा प्रतितोला रु १३० ले वृद्धि भएको महासंघले जनाएको छ।
त्यसैगरी, बुधबार सुन प्रतिदश ग्राम रु २ लाख ६९ हजार ८ सय ९० र चाँदी प्रतिदश ग्राम रु ४ हजार ९ सयमा कारोबार भइरहेको छ।
अन्तर्राष्ट्रिय बजारको प्रभाव र विनिमय दरका कारण सुनचाँदीको मूल्यमा उतारचढाव आउने गरेको व्यवसायीहरू बताउँछन्।
