आईसीसी टी–२० विश्वकप २०२६ अन्तर्गत सुपर–८ चरणमा बुधबार न्युजिल्याण्ड र श्रीलंका भिड्दैछन्। खेल श्रीलंकाको कोलम्बोस्थित आर प्रेमदासा स्टेडियम मा बेलुकी सवा ७ बजे सुरु हुनेछ।
सुपर–८ मा श्रीलंका र न्युजिल्याण्ड समूह ‘बी’ मा रहेका छन्। सेमिफाइनल यात्रा जीवित राख्न दुवै टोलीलाई आजको खेल जित्नैपर्ने दबाब छ।
सुपर–८ को पहिलो खेल वर्षाका कारण रद्द भएपछि न्युजिल्याण्डले पाकिस्तान राष्ट्रिय क्रिकेट टोली सँग अंक बाँडेको थियो। यता, श्रीलंका भने पहिलो खेलमा इंग्ल्याण्ड राष्ट्रिय क्रिकेट टोली सँग पराजित भएको थियो।
आजको खेल जित्न सके दुवै टोलीको सेमिफाइनल पुग्ने सम्भावना कायम रहनेछ। समूह ‘बी’ बाट इंग्ल्याण्डले भने आफ्नो सेमिफाइनल स्थान सुरक्षित गरिसकेको छ। अब न्युजिल्याण्ड, श्रीलंका र पाकिस्तानमध्ये एक टोलीले अन्तिम चारमा स्थान बनाउनेछ।
एक खेल रद्द र एक हार बेहोरेको पाकिस्तानका लागि सेमिफाइनल यात्रा कठिन देखिएको छ। उसले अब अन्तिम खेल श्रीलंकासँग खेल्नेछ, जसले समूहको समीकरण थप रोचक बनाएको छ।
