सुनसरी प्रहरीले प्रतिनिधिसभाको निर्वाचन विरोधी गतिविधिमा संलग्न भएको आरोपमा तीन जनालाई पक्राउ गरेको छ।
इनरुवास्थित जिल्ला प्रहरी कार्यालयका अनुसार, २१ फागुनमा हुने निर्वाचनको वातावरण विथोल्ने र सर्वसाधारणलाई मतदान स्थलमा नजान धम्काउने आशंकामा उनीहरूलाई नियन्त्रणमा लिइएको हो।
पक्राउ पर्नेमा इलामको माङसेबुङ गाउँपालिका–१ का ३८ वर्षीय प्रविन मिश्र, मोरङको पथरी–शनिश्चरे नगरपालिका–१० का ५१ वर्षीय सिताराम बुढाथोकी र भोजपुरको साप्लासिसो गाउँपालिका–१ का ४६ वर्षीय डिल्लिराम बोहोरा रहेका छन्।
सुनसरीका एसपी केशव थेबेका अनुसार, बुढाथोकी र बोहोरा शनिबार र मिश्र बुधबार पक्राउ परेका हुन्। प्रहरीले उनीहरूमाथि थप अनुसन्धान जारी राखेको जनाएको छ।
