नेकपा एमाले सुदूरपश्चिम संसदीय दलका नेता राजेन्द्रसिंह रावल को कार्यकक्षमा राष्ट्रिय युवा संघ नेपाल ले तालाबन्दी गरेको छ।
सुदूरपश्चिम प्रदेश सरकारले अस्पताल व्यवस्थापन समितिमा गरेको नियुक्तिमा पार्टीभित्र परामर्श नगरेको आरोप लगाउँदै युवा संघले आइतबार दिउँसो तालाबन्दी गरेको हो। कञ्चनपुरको कृष्णपुर नगर कमिटीले उक्त कदम चालेको जनाएको छ।
युवा संघले संसदीय दलका नेता रावललाई छिटो सम्पर्कमा आउन आग्रहसमेत गरेको छ। उनीहरूले पार्टीको आन्तरिक प्रक्रिया र परामर्श बेवास्ता गरिएको भन्दै असन्तुष्टि व्यक्त गरेका छन्।
यसैबीच, पार्टीको सुदूरपश्चिम प्रदेश कमिटीले पनि राजनीतिक नियुक्तिका विषयमा संसदीय दल र प्रदेश सरकारले समन्वय नगरेको भन्दै केन्द्रलाई जानकारी गराइसकेको स्रोतले जनाएको छ।
कृष्णप्रसाद जैशी, एमाले सुदूरपश्चिम प्रदेश कमिटी अध्यक्षले समेत उक्त विषय पार्टी केन्द्रमा पुर्याइएको पुष्टि गरेका छन्।
नियुक्ति विवादले एमालेभित्र आन्तरिक असन्तुष्टि बढ्दै गएको संकेत देखिएको छ।
