रुकुमपूर्वको पुथा उत्तरगंगा गाउँपालिका–६ मा एक खोलामा आएको बाढीले बगाउँदा दुई जना बेपत्ता भएका छन् । बेपत्ता हुनेमा स्थानीय मयाङ गाउँका ७० वर्षीय तीर्थराम शाही र ४९ वर्षीय बुद्धिराज सेन रहेको प्रहरीले जनाएको छ ।
उनीहरू खरिढुङ्गादेखि घरतर्फ फर्कने क्रममा साङ्खोलामा रहेको काठको पुल तर्ने क्रममा चिप्लिएर खोलाले बगाएको प्रहरीले जनाएको छ । लगातारको वर्षापछि साङ्खोला खोलामा पानीको बहाव बढेको थियो । सोही क्रममा उनीहरूलाई खोलाले बगाएको बताइएको छ ।
अहिले नेपाल प्रहरी, सशस्त्र प्रहरी र स्थानीयसहितको टोलीले खोजी गरिरहेको जिल्ला प्रहरी कार्यालय रुकुमपूर्वका प्रमुख डीएसपी खुमानन्द पाण्डेले जानकारी दिए ।
‘एकदमै ठाडो खोला छ । बाढी पनि घटेको छ,’ खोलामै खोजी रहेको बताउँदै उनले भने, ‘खोलामा पानीको बहाव तीव्र रहेकाले खोजीकार्यमा निकै कठिनाइ भइरहेको छ ।
