संघीय संसद्को दुवै सदनको चालु अधिवेशन भोलिदेखि अन्त्य हुने भएको छ। मन्त्रिपरिषद्को सिफारिसअनुसार रामचन्द्र पौडेल ले अधिवेशन अन्त्य गर्ने निर्णय गरेका हुन्।
राष्ट्रपति कार्यालयका अनुसार, अधिवेशन अन्त्य शुक्रबार राति १२ बजेदेखि लागू हुनेछ। नेपालको संविधानको धारा ९३ को उपधारा (२) बमोजिम मन्त्रिपरिषद्को चैत २४ गतेको सिफारिसका आधारमा संघीय संसद्को दुवै सदनको अधिवेशन अन्त्य गरिएको हो।
राष्ट्रपति कार्यालयद्वारा जारी पत्रमा उल्लेख छ कि संवत् २०८२ साल चैत २७ गते शुक्रबार राति १२:०० बजेदेखि लागू हुने गरी प्रतिनिधिसभा र राष्ट्रियसभाको चालु अधिवेशन अन्त्य गरिएको छ।
यसैबीच, रामचन्द्र पौडेल ले भोलि संघीय संसद्को संयुक्त बैठकलाई सम्बोधन गर्ने कार्यक्रम रहेको छ। निर्वाचनपछिको संघीय संसद्को पहिलो बैठकलाई राष्ट्रपतिले सम्बोधन गर्ने संवैधानिक व्यवस्था अनुसार उनले सम्बोधन गर्न लागेका हुन्।
राष्ट्रपतिको सम्बोधनमार्फत सरकारको नीति तथा कार्यक्रम, प्राथमिकता र आगामी योजनाबारे जानकारी गराइने अपेक्षा गरिएको छ।
