ग्यासको सहज आपूर्ति र अभाव अन्त्यको माग गर्दै नेकपानिकट अखिल क्रान्तिकारी विद्यार्थी संघले सिंहदरबारको दक्षिण गेटमा प्रदर्शन गरेका छन् ।
बुधबार विद्यार्थीहरूले ग्यासका सिलिन्डर बोकेर प्रदर्शन गरेका हुन् ।
विद्यार्थी र सर्वसाधारणले भोग्दै आएको खाना पकाउने ग्यासको समस्या तत्काल समाधान गर्न सरकारसँग माग गरेका छन् । उनीहरूले बजारमा पर्याप्त ग्यास उपलब्ध गराउन तथा कालोबजारी र कृत्रिम अभाव नियन्त्रण गर्न समेत सरकारको ध्यानाकर्षण गराएका छन् ।
