कपिलवस्तुबाट निर्वाचित नेपाली कांग्रेसका सांसद अभिषेकप्रताप शाहविरूद्व पक्राउ पुर्जी जारी भएको छ ।
जिल्लाको कृष्णनगर उद्योग वाणिज्य संघका अध्यक्ष सीताराम शर्मा (रितेश शर्मा)को कुटपिटमा संलग्न भएको जाहेरी परेपछि पक्राउ पुर्जी जारी भएको कपिलवस्तु प्रहरी प्रमुख, एसपी मनोहर भट्टले लोकान्तरलाई जानकारी दिए ।
कपिलवस्तु-३ बाट प्रत्यक्ष निर्वाचित सांसद शाहको खोजी कार्य भइरहेको एसपी भट्टले जानकारी दिए ।
सामूहिक आक्रमणमा शाह जोडिए पनि कारबाही नभएको भन्दै चौतर्फी दबाब बढेको बेला कपिलवस्तु प्रहरीले कानूनी प्रकृया अघि बढाएको हो ।
