सुनसरीमा पेस्तोलसहित एक जना पक्राउ परेका छन् ।
भोक्राहा नरसिंह गाउँपालिका-२ अकाहा बजारबाट चाइनिज पेस्तोलसहित ३८ वर्षीय शमसेर आलमलाई पक्राउ गरिएको कोशी प्रदेश प्रहरी कार्यालय, विराटनगरले जनाएको छ ।
गएराति विशेष सूचनाको आधारमा जिल्ला प्रहरी कार्यालय सुनसरीबाट प्रहरी नायब उपरीक्षक रामप्रसाद तिमल्सिनासहित खटिएको प्रहरी टोलीले उनलाई पक्राउ गरेको हो ।
आलमले घरमा लुकाएर राखेको पेस्तोलका साथै म्यागजिन १ थान र गोली २ राउण्डसमेत बरामद गरिएको प्रहरीले जनाएको छ ।
