प्रधानमन्त्री एवं राष्ट्रिय चिकित्सा शिक्षा आयोगका अध्यक्ष वालेन्द्र शाहको अध्यक्षतामा राष्ट्रिय चिकित्सा शिक्षा आयोगको २६औँ बैठक आज सम्पन्न भएको छ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा बसेको बैठकले “चिकित्सा शिक्षा आयोगको कोष सञ्चालन कार्यविधि, २०८३” स्वीकृत गरेको छ।
बैठकमा आयोगका नवनियुक्त उपाध्यक्ष डा. देवेन्द्र खत्रीले कार्यविधि स्वीकृत गर्ने सम्बन्धमा प्रस्ताव पेस गरेका थिए। प्रस्तावमाथि छलफलपछि बैठकले उक्त कार्यविधि पारित गरेको हो।
बैठकमा स्वास्थ्य तथा खाद्य स्वच्छतामन्त्री निशा मेहता र शिक्षा तथा खेलकुदमन्त्री सस्मित पोखरेलले सहअध्यक्षता गरेका थिए।
बैठकमा चिकित्सा शिक्षा क्षेत्रको प्रभावकारी व्यवस्थापन, आयोगको कोष सञ्चालन तथा सम्बन्धित नीतिगत विषयमा पनि छलफल भएको जनाइएको छ।
