सुनको मूल्य तोलामा १९ सयले घट्यो

Image

स्थानीय बजारमा सुनचाँदीको मूल्य ओरालो लागेको छ । मंगलबार (मंसिर १) सुनको मूल्य तोलामा एक हजार ९०० रुपैयाँ घटेको नेपाल सुनचाँदी व्यवसायी महासंघले जनाएको छ । 

महासंघका अनुसार, यस दिन सुन प्रतितोला दुई लाख ६७ हजार २०० रुपैयाँमा कारोबार भइरहेको छ । सोमबार सुन तोलामा दुई लाख ६९ हजार १०० रुपैयाँमा कारोबार भएको थियो । 

त्यस्तै, चाँदी मूल्य तोलामा ३० रुपैयाँ घटेको छ । चाँदी प्रतितोला तीन हजार ४९० रुपैयाँमा कारोबार भइरहेको महासंघले जनाएको छ ।