ओमानमा जारी यू–१९ एसिया कपमा नेपाली युवा टोली भारतीय टोलीसँग पराजित भएको छ।
शुक्रबार भएको पहिलो खेलमा नेपाली युवाटोली भारतीय टोलीसँग १० विकेटको फराकिलो हार व्यहोरेको हो।
नेपाली टोलीले दिएको १ सय २९ रनको लक्ष्य भारतिय युवा टोलीले १९.१ ओभरमा विना विकेटको क्षतिमा भेट्टायो।
पहिलो विकेटका लागि कप्तान लक्ष्य राइचन्दनी र आर्याविर सेवाङले १ सय २९ रनको अविजित साझेदारी गरेपछि भारतले नेपालमाथि सहज जित भेट्टायो। लक्ष्य ५२ र आर्याविर ७० रनमा अविजित रहे।
त्यसअघि ओमानको ओसिए ग्राउण्ड १ मा भारतिय युवा टोलीले टस जितेर फिल्डिङ रोजेपछि ब्याटिङ गरेको नेपाली टोली ४२.३ ओभरमा १ सय २८ रनमा अलआउट भयो।
नेपालका लागि दर्स सोनारले सर्वाधिक ४८ रनको योगदान दिए। आशिस लुहारले २९ र निरज कुमार यादवले २० रन थपे। पाचौँ विकेटका लागि आशिस र दर्सले ४३ रनको साझेदारी गरेका थिए।
सचिन भट्टले ६ तथा सुर्याशु कोइरालाले ५ रन थपे। भारतीय युवा टोलीका लागि इशान सृुदले ३ विकेट लिए। उनले १० ओभरमा ४ मेडन राख्दै १८ रन खर्चे।
भुटकुरी याशविर गौडले २ विकेट लिए। उनले ८ ओभरमा २५ रन दिए। काभ्या परेस पटेल र मनाल चौहानले समान एक विकेट आफ्नो नाममा गरे।
नेपाली युवा टोलीले पर्सि आइतबार यूएईविरुद्ध खेल्ने तालिका छ।
